जेनजी आन्दोलनमा ज्यान गुमाएका प्रदर्शनकारीको पशुपति आर्यघाटमा अन्त्येष्टि

प्रकाशित मिति

२०८२ भाद्र २७ गते, शुक्रबार ०६:१०

भदौ २७,२०८२ काठमाडौँ – जेनजी आन्दोलनका क्रममा ज्यान गुमाएका केही प्रदर्शनकारीको आज काठमाडौंस्थित पशुपतिनाथ आर्यघाटमा अन्त्येष्टि गरिएको छ। शोकाकुल परिवार, आफन्त, सहकर्मी र आन्दोलनका सहभागीहरू अन्त्येष्टिमा उपस्थित भई श्रद्धाञ्जली अर्पण गरेका थिए।

गत मंगलबार र बुधबार भएको भ्रष्टाचारविरोधी आन्दोलनमा मृत्यु हुनेहरूको संख्या ५१ पुगेको छ। अन्त्येष्टिमा सहभागीहरूले दिवंगत प्रदर्शनकारीहरूको बलिदान व्यर्थ जान नदिने प्रतिवद्धता जनाउँदै भ्रष्टाचारविरुद्धको संघर्षलाई अझ सबल बनाउनुपर्ने माग राखेका छन्।