गोली लागेर एक जनाको मृत्यु भएपछि बानेश्वर क्षेत्र थप तनावग्रस्त

प्रकाशित मिति

२०८२ भाद्र २३ गते, सोमबार ०२:११

भदौ २३,२०८२ काठमाडौं – बानेश्वर चोकमा जारी जेनजी प्रदर्शनमा प्रहरीले प्रहार गरेको गोली लागेर एक जनाको मृत्यु भएको छ। घटनापछि चोक थप तनावग्रस्त बनेको छ।

सरकारले कर्फ्यू घोषणा गरे पनि प्रभावहीन देखिएको छ। प्रदर्शनकारीहरूले आक्रोशित भएर प्रदर्शन जारी राखेका छन्। संसद् परिसरभित्र प्रहरीले बारम्बार अश्रुग्यास, रबरको गोली, पानीको फोहोरा र इट्टासमेत प्रहार गरेका छन्।

प्रदर्शनकारीले बानेश्वर चोकको कुनामा रहेको संसद् भवन परिसरमा बारम्बार आगजनीको प्रयास गरेका छन्। भिडमा भागदौड हुँदा कतिपय घाइते भएका छन्।