भदौ २३,२०८२ काठमाडौं – राष्ट्रिय स्वतन्त्र पार्टी (रास्वपा) ले आकस्मिक सचिवालय बैठक बोलाएको छ। पार्टी प्रवक्ता मनिष झाका अनुसार बैठक आज दिउँसो ४ बजे बोलाइएको हो।

प्रवक्ताका अनुसार बैठक जेनजी प्रदर्शन र त्यसमाथि भएको दमनबारे छलफल गर्न बोलाइएको हो।

सोमबार बानेश्वरमा जेनजी प्रदर्शनकारीहरूले संसद भवन घेराउ गर्दा प्रहरीले गोली प्रहार गर्दा एक जनाको मृत्यु भएको छ भने धेरै घाइते भएका छन्। घाइतेहरूको उपचार सिभिल अस्पतालसहित अन्य अस्पतालमा भइरहेको छ।

नयाँ बानेश्वर क्षेत्रमा कर्फ्यू जारी भए तापनि प्रदर्शनकारीहरू आक्रोशित हुँदै प्रदर्शन जारी राखिरहेका छन्।