बहुविवाह विवादपछि रास्वपाले गर्‍यो डा. लेखजंगको पत्रकार सम्मेलन स्थगित

प्रकाशित मिति

२०८२ भाद्र १६ गते, सोमबार ०१:०६

भदौ १६,२०८२ काठमाडौं – राष्ट्रिय स्वतन्त्र पार्टी (रास्वपा)ले रूपन्देही–३ का लागि चयन गरेका डा. लेखजंग थापासहितको पत्रकार सम्मेलन स्थगित गरेको छ। बहुविवाह विवादमा फसेपछि आज दिउँसो २ बजे तय गरिएको कार्यक्रममा सहभागिता नदिने निर्णय गरिएको प्रवक्ता मनिष झाले जानकारी दिएका छन्।

सचिवालय बैठकबाट थापालाई उम्मेदवार बनाउने निर्णय आइतबार भएपनि, घोषणा पछि उनको दुई विवाहको विषय बाहिरिएपछि विवाद उत्पन्न भएको हो। त्यस्तै, पार्टीको आन्तरिक छलफलमा थापामाथि क्यामेरा जडित चस्माबाट भिडियो गर्ने आरोप पनि लागेको छ।