भदौ १४,२०८२ काठमाडौं – जल तथा मौसम विज्ञान विभागका अनुसार हाल मनसुनको न्यूनचापीय रेखा सरदर स्थानको आसपासमा रहेको छ। काठमाडौंसहित केही स्थानमा बिहानैदेखि वर्षा भइरहेको छ।

दिउँसो देशका विभिन्न स्थानमा हल्कादेखि मध्यम वर्षा हुने सम्भावना छ। विभागका अनुसार दिउँसोभरि सामान्यतया आकाश बदली रहनेछ। विशेषगरी कर्णाली र सुदूरपश्चिम प्रदेशको तराई तथा पहाडी भू–भागका धेरै स्थानमा मध्यम वर्षा हुने अनुमान गरिएको छ।

त्यसैगरी वाग्मती र गण्डकी प्रदेशलगायत बाँकी पहाडी भू–भागका थोरै स्थान र तराईका एक–दुई स्थानमा पनि मध्यम वर्षा हुने सम्भावना रहेको विभागले जनाएको छ। राति पनि देशभर सामान्यतया बदली रहने र सबै प्रदेशका पहाडी भू–भागका केही स्थान तथा तराई भू–भागका थोरै स्थानमा वर्षा हुने पूर्वानुमान गरिएको छ।