श्रावण ११,२०८२ काठमाडौं । ऊर्जा, जलस्रोत तथा सिँचाइमन्त्री दिपक खड्काले २४ घण्टा विद्युत आपूर्ति गर्ने सरकारको चाहना भए पनि विभिन्न दबाब र चुनौतीका कारण कार्यान्वयन गर्न नसकेको बताएका छन्।

आइतबार काठमाडौंमा आयोजित सामुदायिक विद्युतीकरण उपभोक्ता महासंघको कार्यक्रममा उनले आवश्यक मात्रामा विद्युत आफैं उत्पादन गरी खपत गर्ने र बाँकी निर्यात गर्ने सरकारको अभियान जारी रहेको बताए।

उनले हरेक क्षेत्रमा जस्तै विद्युत क्षेत्रमा पनि चुनौतीहरू रहेको उल्लेख गर्दै, तिनलाई सामना गर्न सामर्थ्य निर्माण गर्नु जरुरी रहेको धारणा राखे।