असार १२ , २०८२ काठमाडौं । नेपाल बीमा प्राधिकरणको अध्यक्ष शरद ओझाबाट नेशनल लाइफकी अध्यक्ष प्रेमा राज्य लक्ष्मी सिंहले पद तथा गोपनियताको शपथ ग्रहण गरेकी छन् । कम्पनीको असार ५ गते भएको ३७ औं वार्षिक साधारण सभावाट कम्पनीको संचालक समितिको पूर्नगठन भई सिंह संचालक समितिको अध्यक्षमा सर्व सम्मतिवाट पुनर्निवाचित भएकी हुन् ।

शपथ ग्रहण कार्यक्रममा बीमा प्राधिकरणका अध्यक्ष ओझाले सिंहको सफल कार्यकालका लागि शुभकामना व्यक्त गरे। कार्यक्रममा सिंहले आफ्नो र सञ्चालक समितिको तर्फबाट अध्यक्ष ओझासहित नेपाल बीमा प्राधिकरणलाई आभार प्रकट गरिन्। समारोहमा नेपाल बीमा प्राधिकरणका कार्यकारी निर्देशक श्री सुशील देव सुवेदी र नेशनल लाइफ इन्स्योरेन्स कम्पनीका प्रमुख कार्यकारी अधिकृत श्री सुरेश प्रसाद खत्रीको उपस्थिति रहेका थिए।