काठमाडौं । आइतबार दिउँसो प्रहरीद्वारा पक्राउ परेका राप्रपा नेपालका अध्यक्ष कमल थापा, सांसद दिपक सिंहसहित ७ जना रिहा भएका छन्।

जिल्ला प्रहरी परिसर, काठमाडौंका अनुसार नियन्त्रणमा लिइएका ८ जना मध्ये ७ जनालाई जिम्मा जमानीमा रिहा गरिएको हो। उनीहरूलाई के कारणले पक्राउ गरिएको थियो भन्नेबारे प्रहरीले आधिकारिक विवरण भने सार्वजनिक गरेको छैन।

पक्राउ परेका मध्ये एक जना भने हालसम्म पनि प्रहरी हिरासतमै रहेका छन्।

यस घटनाले राजनीतिक वृत्तमा चासो बढाएको छ भने राप्रपाले यसप्रति विरोध जनाउँदै तत्काल सबै पक्राउ परेकाको रिहा माग गरेको थियो।