काठमाडौं । तीनकुने घटनामा घाइते भएकी विद्यार्थी रेविका खत्रीका लागि न्याय माग्दै कोटेश्वर बहुमुखी क्याम्पसले सडकमै पठनपाठन गरेको छ । गत १५ चैतमा काठमाडौंको तीनकुनेमा राजतन्त्र पक्षधरहरूको प्रदर्शनमा प्रहरीको गोली लागेर उदयपुरकी २२ वर्षीया रेविका खत्री घाइते भएकी थिइन् ।

पछिल्लो समय उनको अवस्था झन् गम्भीर बन्दै गएको र सरकारले पनि बेवास्ता गरेको भन्दै कोटेश्वरका विद्यार्थीहरूले प्रदर्शन गरिरहेका छन् । प्रदर्शनकै सिलसिलामा बिहीबार क्याम्पसका विद्यार्थी र शिक्षक मिलेर सडकमै पठनपाठन गरेर प्रदर्शन गरेका हुन् । उनको परिवारले अहिलेसम्म ७ लाख रुपैयाँ उपचारका लागि खर्च गरिसकेका छन् । अबचै राज्यले नै जिम्मा लिएर विश्वको जुनै कुनामा लगेर पनि उपचार गराउनु पर्ने उनिहरुको माग रहेको छ ।