वैशाख ५, २०८१ काठमाडौँ: चलचित्र ‘ह्रस्व दीर्घ’ निर्माण टिमले आफ्ना प्रमुख अभिनेता हरिहर अधिकारीको लुक्स सार्वजनिक गरेको छ । हरिहरको जन्मदिनको अवसर पारेर निर्माणपक्षले पोस्टर लुक्स सार्वजनिक गरेको हो ।

सार्वजनिक पोस्टरमा हरिहरलाई दुईवटा लुक्समा प्रस्तुत गरिएको छ । एउटामा उनलाई लामो कपालमा छालाको ज्याकेट लगाएको आधुनिक पहिरनमा र अर्को धार्मिक ‘गेटअप’मा देखाइएको छ ।

प्रेमकथामा निर्माण भइरहेको चलचित्रको तेस्रो चरणको छायांकन बाँकी छ । अभिनेत्री नीता ढुंगानाको निर्माण रहेको चलचित्रमा हरिहर र नीतासँगै अलावा विपना थापा, गरिमा शर्मालगायतका कलाकारको अभिनय छ । यो चलचित्रमा केही दक्षिण भारतीय कलाकारको पनि अभिनय छ ।

चन्द्र पन्तले निर्देशन गरिरहेको चलचित्र चलचित्र असोज ११ गते रिलिज हुनेछ ।