फागुन २१, २०८० काठमाडौँ: प्रधानमन्त्री पुष्पकमल दाहाल प्रचण्ड नयाँ गठबन्धन बनेको विषय जानकारी गराउन शीतल निवास गएका छन् । प्रधानमन्त्री निवास बालुवाटारमा नयाँ गठबन्धनको बैठकपछि प्रचण्ड राष्ट्रपति रामचन्द्र पौडेललाई भेट्न शीतल निवास गएका हुन् ।

नयाँ गठबन्धनको बैठकमा प्रचण्ड नभए पनि बैठकमा एमाले, माओवादी केन्द्र र रास्वपाका शीर्ष नेताहरु सहभागी छन् । प्रचण्डले नयाँ गठबन्धनका दलसँग मन्त्री बन्नेहरूको नाम मागेका छन् ।

प्रधानमन्त्री प्रचण्डले अहिलेको मन्त्रिपरिषद्को पूरै सेट परिवर्तन गरेर तत्काललाई सानो आकारको मन्त्रिपरिषद् गठनको तयारी गरेका छन् ।