भदौ १३, २०८० काठमाडौँ: गुल्मीको तम्घासबाट बुटवल जाँदै गरेको जीप पहिरोमा पुर्दा ३ जनाको मृत्यु भएको छ । ८ जना घाइते भएका छन् । पाल्पाका डीएसपी वीरेन्द्र थापाले दिएको जानकारी अनुसार केहीको अवस्था गम्भीर रहेको छ । उनका अनुसार मृत्यु हुनेमा एक जना प्रहरी पनि रहेका छन् ।

८ जना घाइतेको उद्धार गरेर थप उपचारको लागि अस्पताल पठाइएको पनि डीएसपी थापाले बताएका छन् । तम्घासबाट बुटवलका लागि छुटेको लु १ ज ४६०० नम्बरको स्कोर्पियो जिपलाई पाल्पाको जोर्तेमा पहिरोले पुरेको हो । जिपलाई ठूला ठूला ढुंगाले पुरेको छ । घटनाको थप विवरण आउन बाँकी रहेको प्रहरीले जनाएको छ ।