भन्सार र विद्युत विधेयक संसद्‌मा पेस गर्ने सरकारको निर्णय

प्रकाशित मिति

२०८० भाद्र १३ गते, बुधबार ०८:४४

भदौ १३, २०८० काठमाडौँ : सरकारले भन्सार विधेयक र विद्युत विधेयक संघीय संसद्‌मा पेस गर्ने निर्णय गरेको छ। मंगलबार बसेको मन्त्रिपरिषद्को बैठकले उक्त निर्णय गरेको नेपाल सरकारका प्रवक्ता रेखा शर्माले बताइन्।

यस्तै, सरकारले प्रतिनिधि सभा सदस्य राजेन्द्रकुमार केसी र माधव सापकोटालाई निजीकरण समितिको सदस्यमा मनोनित गर्ने, नेपाल र फिलिपिन्सबीच कूटनीतिक तथा सरकारी राहदानी बहाललाई प्रवेशाज्ञा छुट दिनेसम्बन्धी सम्झौतामा हस्ताक्षर गर्न स्वीकृत दिने निर्णय गरेको उनले जानकारी दिइन्।