२८ जेठ २०८०, काठमाडौँ: संघीय संसदअन्तर्गत आइतबार प्रतिनिधिसभाको बैठक बस्दैछ। बैठक आज बिहान ११ बजेबाट सुरु हुनेछ । बैठकमा सरकारले जेठ १५ गते प्रस्तुत गरेको आगामी आर्थिक वर्ष २०८०/०८१ को बजेटबारे छलफल हुनेछ ।

अर्थमन्त्री डा। प्रकाशशरण महतले सांसदहरूले बजेटबारे उठाएका प्रश्नको जवाफ दिनेछन् । प्रतिनिधिसभा बैठकमा अघिल्लो सोमबारदेखि बजेटमाथि छलफल चलिरहेको छ ।

त्यस्तै, सम्भावित कार्यसूचीमा विनियोजन विधेयक, २०८० लाई प्रस्तुत गर्न अनुमति माग्ने प्रस्तावमाथि नेपाल मजदुर किसान पार्टीका सांसद प्रेम सुवाल राखेको विरोधको सूचनालाई निर्णयार्थ प्रस्तुत गरिने पनि कार्यसूची छ ।

आजै अर्थमन्त्री डा। महतले विनियोजन विधेयक, २०८० प्रस्तुत गर्नेछन् ।