उपप्रधानमन्त्री पौडेल र अमेरिकी नियोग प्रमुख पावरबीच भेटवार्ता

प्रकाशित मिति

२०७९ माघ २५ गते, बुधबार ०३:२१

artha

२५ माघ, २०७९, काठमाडौँ:  उपप्रधान तथा अर्थमन्त्री विष्णुप्रसाद पौडेल र अन्तर्राष्ट्रिय विकासका लागि अमेरिकी नियोग (युएसएआईडी) प्रमुख सामन्था पावर बीच भेटवार्ता भएको छ । । उनीहरुबीच आज (बुधबार) सिंहदरवारस्थित् अर्थ मन्त्रालयमा भेटवार्ता भएको हो । भेटवार्ताको क्रममा यूएसएआईडी प्रमुख पावरले नेपाल र अमेरिकाबीचको सम्बन्ध विस्तार, नेपालको अर्थतन्त्र उकास्नुका साथै अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) कार्यान्वयनमा जोड दिएकी छिन् ।


यूएसएआईडी प्रमुख पावरले आजै मात्र परराष्ट्र मन्त्री विमला राई पौड्यालसँग भेट गरेकी थिइन् । दुई दिने नेपाल भ्रमणमा रहेकी सामान्थाले राष्ट्रपति विद्यादेवी भण्डारी र प्रधानमन्त्री पुष्प कमल दाहाल ‘प्रचण्ड’ सँग आज साँझ भेटवार्ता गर्नेछिन् ।त्यसलगत्तै उनी आजै स्वदेश फर्किने छिन् । स्वदेश फर्किनु अघि उनले पत्रकार सम्मेलन गर्ने जनाइएको छ ।

प्रतिकृया