सुष्मा तामाङ यू–२२ बक्सिङ च्याम्पियनसिपको फाइनलमा
प्रकाशित मिति
२०७९ माघ ८ गते, आईतवार ०२:२९
८ माघ, २०७९, काठमाडौँ: नेपाली बक्सर सुष्मा तामाङ थाईल्याण्डमा जारी एएसबिसी यू–२२ बक्सिङ च्याम्पियनसिपको फाइनलमा पुगेकी छिन् । बैंककमा आइतबार भएको ४८ केजी तौल समुहमा मंगोलीयाकी जनारगुली बाइस्येनबाइलाई आरएससीको आधारमा हराउँदै सुष्मा फाइनल पुगेकी हुन् ।
प्रतियोगिताको फाइनलमा पुग्ने सुष्मा पहिलो नेपाली खेलाडी हुन् । उनले स्वर्ण पदकका लागि बुधबार उज्वेकिस्तानकी फोजिलोभा फार्जोनासँग प्रतिस्पर्धा गर्नेछिन् ।
नेपालका ३ पुरुष र ३ महिला प्रतियोगितामा सहभागी भएका छन् ।
प्रतिकृया