हेमराज बिसीको निर्देशनमा ‘जेरी अन टप’ बन्ने
प्रकाशित मिति
२०७९ माघ ५ गते, बिहीबार ०३:५०
५ माघ २०७९, काठमाडौँ: हेमराज बिसीको निर्देशनमा ‘जेरी अन टप’ बन्ने भएको छ । फिल्मका लागि कलाकार अनमोल केसी, आना शर्मा र पूर्णिका सिजापति अनुबन्धित भएका छन् । यसअघि हेमराजले अनमोल र आनाको जोडीमा ‘जेरी’ बनाएका थिए ।
फिल्ममा सरोज न्यौपाने र रामकृष्ण श्रेष्ठको लगानी रहनेछ । एक महिनापछि छायांकनमा जाने यो फिल्मलाई अमेरिका, अस्ट्रेलिया र नेपालमा खिचिने निर्माता न्यौपानेले बताए ।
फिल्मको आधिकारिक घोषणा फागुन २ (फेब्रुअरी १४)का दिन गरिने तयारी छ । यो फिल्म ‘जेरी’कै सिक्वेल हो/होइन भन्नेबारे भने तय भइसकेको छैन । निर्माण टिम अहिले फिल्मको अन्तिम तयारीमा छ ।
प्रतिकृया