३० असोज २०७९, काठमाडौँ: नेपाल क्रेडिट एण्ड कमर्स (एनसिसी) बैंकले आर्थिक वर्ष २०७८\७९ को नाफाबाट सेयरधनीलाई लाभांश वितरण गर्ने घोषणा गरेको छ। कम्पनीले ३.३६६३ प्रतिशत बोनस सेयर र ७.६३३७ प्रतिशत नगद लाभांश गरी कुल ११ प्रतिशत लाभांश वितरण गर्ने प्रस्ताव गरेको हो।

उक्त प्रस्ताव नेपाल राष्ट्र बैंकबाट स्वीकृति भएपछि र कम्पनीको आगामी साधारण सभाबाट पारित भएपछि सेयरधनीले पाउनेछन्। कम्पनीको असोज २९ गते बसेको सञ्चालक समितिको बैठकले उक्त लाभांश वितरण गर्ने प्रस्ताव गरेको हो।

हाल कम्पनीको चुक्तापुँजी ११ अर्ब १३ करोड ९६ लाख ७८ हजार १४ रुपैयाँ छ। सोही पुँजीको आधारमा कम्पनीले लाभांश दिन लागेको हो। कुमारी बैंकसँग मर्जरमा जान हाल यस बैंकको सेयर कारोबार रोक्का रहेको छ।