२६ असोज २०७९, काठमाडौँ : एनएमबी क्यापिटलले कात्तिक १८ गते बाह्रौँ वार्षिक साधारण सभा बोलाएको छ। कम्पनीको असोज ७ गते बसेको सञ्चालक समितिको बैठकले साधारण सभा बस्ने निर्णय गरेको हो। सभामा कम्पनीले २१.०५ प्रतिशत नगद लाभांश दिने प्रस्ताव पेस गर्नेछ। साथै, हाल कायम चुक्ता पुँजी २० करोडको १ बराबर १ को अनुपातमा हकप्रद सेयर जारी गर्ने प्रस्ताव पनि सभामा पेस हुनेछ।

सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ। त्यस्तै, आर्थिक वर्ष २०७९/८० का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि छ। सभा आरण्य बुटिक होटल, मनकामना मार्ग, हात्तीसार, काठमाडौँमा दिउँसो ४ बजेबाट सुरु हुनेछ।