२४ घण्टामा थप १२६ जनामा कोरोना संक्रमण

प्रकाशित मिति

२०७९ भाद्र ३० गते, बिहीबार ०५:३५

३० भाद्र २०७९, काठमाडौंः नेपालमा पछिल्लो २४ घण्टामा थप १२६ जनामा कोरोना भाइरसको संक्रमण पुष्टि भएको छ।स्वास्थ्य मन्त्रालयका अनुसार कोरोनाबाट पछिल्लो २४ घण्टामा कसैको पनि मृत्यु भएको छैन। हालसम्म कोरोनाबाट ज्यान गुमाउनेको संख्या १२ हजार १५ पुगेको छ। बिहीबार १३७ जना कोरोना संक्रमणमुक्त भएका छन्। हाल देशभर २ हजार १२९ जना कोरोनाका सक्रिय संक्रमित रहेको स्वास्थ्य मन्त्रालयले जानकारी दिएको छ। गत २४ घण्टामा देशभर १ हजार ६७४ पीसीआर तथा २ हजार ११६ एन्टिजेन परीक्षण भएको छ।