थप ४ सय ५७ जनामा कोरोना पुष्टि

प्रकाशित मिति

२०७९ श्रावण २ गते, सोमबार ०४:५४

२ साउन २०७९ काठमाडौंः देशभर पछिल्लो २४ घन्टामा ४ सय ५७ जनामा कोरोना भाइरस संक्रमण पुष्टि भएको छ। त्यस्तै, कोरोना संक्रमणबाट पछिल्लो २४ घन्टामा एक जनाको ज्यान गुमेको छ। स्वास्थ्य तथा जनसंख्या मन्त्रालयका अनुसार सोमबार ४ सय ५७ जनामा संक्रमण पुष्टि भएको हो।

कुल ४ हजार ६ सय ५१ जनाको कोरोना परीक्षण गर्दा त्यो संख्यामा संक्रमित भेटिएका हुन्। २ हजार ३४१ जनाको पिसिआर र २ हजार ३१० जनाको एन्टिजेन परीक्षण गर्ने क्रममा उक्त संख्यामा संक्रमित भेटिएको हो। यससँगै देशभर एक हजार ७ सय ७६ जना सक्रिय संक्रमित छन्।