६ बैशाख २०७९ एजेन्सी : बोरुसिया डर्टमण्डका स्टार खेलाडी एर्लिङ हालाण्डलाई पछिल्लो समय प्रिमियर लिग क्लब म्यानचेस्टर सिटीले अनुबन्ध गर्ने चर्चा चलिरहेको छ । प्रिमियर लिग लिडर च्यान्चेस्टर सिटी यो सिजन च्याम्पियन्स लिग र प्रिमियर लिग दुबैको उपाधि दावेदार टोली हो ।

सिटीमा पछिल्लो समय स्ट्राइकरको कमी छ । मिडफिल्डरको गोलको सहयोगमा सिटीले धरै खेलमा जित निकाल्ने गरेको छ । हालाण्डको यो समरदेखि डर्टमण्डसँगको सम्झौता सकिँदैछ । त्यसपछि सिटीले उनलाई अनुबन्ध गर्ने योजनामा बनाएको गोल डटकमले जनाएको छ ।

हालाण्डको अहिले रिलिज क्लज ७५ मिलियन युरो रहेको छ । सिटीले उनलाई अनुबन्ध गर्न ठूलो रकम खर्चनु पर्नेछ । स्टार खेलाडी सर्जियो अग्युरोले सिटी छोडेर बार्सिलोना गएदेखि नै सिटीलाई स्ट्राइकरको कमी भएको हो । तर, अग्युरोले बार्सिलोनामा छोटो समय खेल्दै फुटबल जीवनबाट सन्यासको घोषणा गरेका थिए ।