१९ चैत्र २०७८, दोहा : कतारमा आयोजना हुने फिफा विश्वकप फुटबलको उद्घाटन खेलमा आयोजक कतार र इक्वेडरबीच प्रतिस्पर्धा हुने भएको छ । फिफाले सार्वजनिक गरेको समूह विभाजन अनुसार उद्घाटन खेलमा कतारले इक्वेडर प्रतिद्वन्द्वी पाएको हो ।

फिफाले शुक्रबार दोहा प्रदर्शनी तथा कन्भेन्सन सेन्टरमा गरेको ड्रमा ३२ टोलीले लुसेल रंगशालामा उपाधि जित्न खोजेकामा बलियो समूह प्रतिस्पर्धा गरेका थिए । ड्रमा कतारी टोली समूह ‘ए’ मा इक्वेडर, सेनेगल र नेदरल्यान्ड्ससँगै शीर्ष स्थानमा रहेको छ ।

नोभेम्बर २१ मा हुने उद्घाटन खेल अल बायत स्टेडियममा हुनेछ। कतार विश्वकप आगामी २१ नोभेम्बरदेखि १८ डिसेम्बरसम्म हुनेछ । कतार विश्वकपमा ३२ टोलीको सहभागिता रहने छ ।