नेपाल पीएनजीसँग पराजित

प्रकाशित मिति

२०७८ चैत्र १२ गते, शनिबार ०५:३५

१२ चैत २०७८, काठमाडौं : दोस्रो एकदिवसीय अन्तर्राष्ट्रिय खेलमा नेपाल पपुवा न्यूगिनी (पीएनजी) सँग पराजित भएको छ । नेपालले दिएको २८९ रनको लक्ष्य पीएनजीले ४८.४ ओभरमा ७ विकेट गुमाएर पूरा गरेको हो । नेपालमा पहिलो पटक भएको द्विपक्षीय एकदिवसीय श्रृंखला पीएनजीले २.० ले जितेको छ ।

पीएनजीको जितमा लेगा सिएकाले ९० रन बनाए । यस्तै लोअर अर्डमा रिले हेकुरेले अविजित ४८ रन जोडे ।

पीएनजीसँग नेपालको यो लगातार दोस्रो हार हो । शुक्रबार भएको पहिलो खेलमा रोहित पौडेलले १२६ रन बनाएपनि नेपाल पीएनजीसँग ६ रनले पराजित भएको थियो ।