हुम्लामा हिमपात, दैनिकी कष्टकर
प्रकाशित मिति
२०७८ पुष १० गते, शनिबार ०१:१९
१० पुस २०७८, काठमाडौँ : हिमाली जिल्ला हुम्लामा शनिबार बिहानदेखि हिमपात भएको छ । हिउँ तीन फिट भन्दा बढी जमेको स्थानीयले बताए । जिल्लाको उत्तरी भेग नाम्खा गाउँपालिकामा भने सदरमुकाम सिमकोटभन्दा बढी हिउँ परेको छ । हिमपातका कारण हिल्सा, नारा, न्यालुलगायतका ठाउँको आवतजावतमा थप कठिनाइ भएको छ ।
यहाँको तापक्रम माइनस ८ डिग्री सेल्सियससम्म पुगेसँगै बिहान बेलुका बढी चिसो हुने गरेको छ । हिमपातबाट हुम्लामा अत्यधिक चिसो बढेसँगै सर्वसाधारणको दैनिकी कष्टकर भएको छ ।
प्रतिकृया