९ मंसिर २०७८, काठमाडौं : हिमाली जिल्ला सोलुखुम्बुमाा मधेसी मुलका अशोक झा महाधिवेशन प्रतिनिधिमा निर्वाचित भएका छन् ।

हिमाली जिल्लाबाट काँग्रेस महाधिवेशन प्रतिनिधि चुनिने मधेशी समुदायका अशोक एकलो हुन् । उनी अल्पसंख्यक तर्फबाट कान्छीराज थुलुङलाई पराजित गरेर महाधिवेशन प्रतिनिधि निर्वाचित भएका हुन् ।

सोलुखुम्बु जिल्लामै एक मात्र झा परिवार भएपनि काँग्रेस राजनीतिमा अशोकलाई पछाडि फर्किनु परेन । नेपाल तरुण दल सोलुखुम्बुको क्षेत्रीय सदस्यबाट उनी जिल्ला उपाध्यक्ष हुँदै जिल्ला सभापतिसम्म हुन सफल भए । उनी अहिले पनि तरुण दल सोलुखुम्बुका अध्यक्ष छन् । हिमाली जिल्लाबाट आफूले पाएको अवसर र उपलब्धिबाट अशोक खुसी छन् ।