३ मंसिर, २०७८ काठमाडौँ : वरिष्ठ अधिवक्ता बद्रीबहादुर कार्कीले प्रधानन्यायाधीश चोलेन्द्र शमशेर जबराविरुद्धको आफूहरूको आन्दोलन दबाउन राजनीतिक दलका नेता, मन्त्री र प्रहरी लागिपरेको बताएका छन् ।

शुक्रबार सर्वोच्च अदालत परिसरमा आयोजित विरोध कार्यक्रमलाई सम्बोधन गर्दै वरिष्ठ अधिवक्ता कार्कीले दलहरूकै कारण प्रधानन्यायाधीश जबराले कुर्सी छोड्न नमानेको आरोप लगाए ।

राजनीतिक दलकै कारण प्रधानन्यायाधीश जबरा कुर्सीमा बसिरहेका छन्, उनले भने, नेताहरू बहिरो छैनन् तर अन्धा छन् । उनले भ्रष्टाचारीलाई जेल पठाउनेलाई नै भ्रष्टाचारको आरोप लागे कसले न्याय दिन्छ भन्ने प्रश्न पनि गरे । नेताहरू किन बोलिरहेका छैन् भने धेरै नेताको मुद्दा अदालतमा छ, उनले भने, प्रधानन्यायाधीश जबराले उनीहरूलाई थर्काइरहेका छन् ।