प्रदेश २ मा ३३ अर्ब ७९ करोडको बजेट, कोरोना नियन्त्रण प्राथमिकतामा (पूर्णपाठ)

प्रकाशित मिति

२०७८ असार १ गते, मंगलवार ०५:३१

pradesh 2 bajet 600x323 1

काठमाडौँ : प्रदेश २ सरकारले अगामी आर्थिक वर्ष २०७८/०७९ का लागि ३३ अर्ब ७९ करोड १४ लाख ३० हजारको बजेट ल्याएको छ । प्रदेससभा बैठकमा आर्थिक मामिला तथा योजना मन्त्री बिजय कुमार यादवले बजेट प्रस्तुत गर्दै कुल बजेटको चालुतर्फ १५ अर्ब ६३ करोड ३३ लाख ४७ हजार र पुँजीगततर्फ १८ अर्ब ५ करोड ८० लाख ८३ हजार रुपैयाँ विनियोजन गरेका हुन् । उनका अनुसार वित्तीय व्यवस्थापनतर्फ १० करोड रुपैयाँ विनियोजन भएको छ ।


बजेटमा १ अर्ब आन्तरिक ऋण परिचालन गरिने मन्त्री यादवले बताए । उनले कोभिड–१९ केन्द्रित बजेट ल्याएको भन्दै जनताको सुरक्षामा सरकारले कुनै कसर बाँकी नराख्ने प्रतिवद्धता जनाए ।


अगामी आर्थिक वर्षमा पनि प्रदेससभा निर्वाचन क्षेत्र विकास कार्यक्रमलाई निरन्तरता दिइएको छ । सो कार्यक्रमका लागि २ अर्ब ३५ करोड रुपैयाँ विनियोजन भएको छ । त्यस्तै स्थानीय तहका लागि ३ अर्ब १६ करोड ५० लाख छुट्याइएको मन्त्री यादवले बताए ।

प्रतिकृया