धापाखेलमा साढे दुई तले घर ढल्यो, मानवीय क्षति भएन
प्रकाशित मिति
२०८३ आश्विन १२ गते, सोमबार ०९:०२
१२ असोज २०८३ काठमाडौं — ललितपुर महानगरपालिका–२४ धापाखेलमा साढे दुई तले घर ढलेको छ। सोमबार बिहान सोवितकुमार थापाको साढे दुई तले घर ढलेको ललितपुरका प्रहरी प्रवक्ता गौतम मिश्रले जानकारी दिए।
उनका अनुसार घर जोखिममा रहेको भन्दै घरधनीलाई हिजै घर खाली गर्न आग्रह गरिएको थियो। समयमै घर खाली गराइएकाले घटनामा मानवीय क्षति भने भएको छैन।
अविरल वर्षाका कारण जमिन गलेपछि भिरालो सतहमा निर्माण गरिएको घर ढलेको प्रहरीको प्रारम्भिक भनाइ छ।
प्रतिकृया