पवित्रा थापा मागर  धादिङ :   धादिङ अस्पतालमा कार्यरत १३ स्वास्थ्यकर्मीमा कोरोना संक्रमण पुष्टि भएपछि अस्पतालको ओपिडी सेवा बन्द हुने भएको छ । अस्पतालले एक विज्ञप्ति जारी गर्दै आजबाट लागु हुने गरी ओपिडी सेवा बन्द हुने जनाएको हो ।

बैशाख १५ गते र १७ गते अस्पतालमा कार्यरत स्वाथ्यकर्मीहरुको स्वाब संकलन गरी पठाईएको स्वास्थ्यकर्मीहरुमा कोरोना संक्रमण पुष्टि भएपछी स्वास्थ्य तथा जनसङ्ख्या मन्त्रालयको निर्देशन बमोजिम अस्पतालमा कार्यरत स्वास्थ्यकर्मीहरु र सेवाग्राहीमा थप कोभिड संक्रमण बढ्न नदिन सावधानी अपनाउदै २० गतेबाट लागु हुने गरी ओपिडी सेवा बन्द गरिएको अस्पतालले जनाएको छ ।

अस्पतालले तत्काल स्वास्थ्य उपचार गर्नुपर्ने तथा अत्यावश्यक अवस्थामा रहेका सेवाग्राहीहरु मात्र अस्पताल आई भीड कम गराएर कोभिडको जोखिम कम गर्नको लागि सहयोग गरिदिनुहुन अनुरोध समेत गरेको छ ।