काठमाडौ: शनिबारदेखि घरेलु मैदानमा सुरु हुने त्रिकोणात्मक टीट्वेन्टी अन्तर्राष्ट्रिय क्रिकेट शृंखलाका लागि नेपाली राष्ट्रिय क्रिकेट टोलीको घोषणा गरिएको छ।

बुधबार १५ सदस्यीय टोलीको घोषणा गरिएको हो। ज्ञानेन्द्र मल्लको कप्तानी रहेको टोलीमा दीपेन्द्रसिंह ऐरीलाई उपकप्तानको जिम्मेवारीमा निरन्तरता दिइएको छ।

अन्य खेलाडीमा पारस खड्का, विनोद भण्डारी, सन्दीप लामिछाने, करन केसी, सोमपाल कामी, सुसन भारी, आरिफ शेख, अबिनास बोहरा, आसिफ शेख, कुशल भर्तेल, कुशल मल्ल, साहब आलम र कमलसिंह ऐरी छन्।

प्रतियोगितामा नेपालसँगै नेदरल्यान्ड्स र मलेसियाले प्रतिस्पर्धा गर्नेछन्।