काठमाडौ: राष्ट्रिय जनमोर्चाले अन्ततः गण्डकी प्रदेश सरकारको समर्थन फिर्ता लिएको छ। जनमोर्चाका अध्यक्ष चित्रबहादुर केसीले प्रदेश सरकारलाई दिएको समर्थन फिर्ता लिएको जानकारी दिए।

उनले  भने, ‘हामीले केपी शर्मा ओली नेतृत्वको सरकारलाई दिएको समथर्न फिर्ता लिइसकेका छौँ। अब गण्डकीको हकमा पनि त्यो लागू हुनुपर्छ भन्ने लाग्यो। त्यसैले समथर्न फिर्ता लियौँ।’यो सँगै उनले अब काँग्रेस र माओवादी केन्द्र मिलेर सरकार बनाएमा त्यसको समर्थन गर्ने बताए।

जनमोर्चाले समथर्न फिर्ता लिएसँगै गण्डकी प्रदेशका मुख्यमन्त्री पृथ्वी सुब्बा गुरुङ नेतृत्वको सरकार अप्ठ्यारोमा परेको छ।

गण्डकी प्रदेशमा राष्ट्रिय जनमोर्चाका ३ जना सांसद छन्। अब नेपाली कांग्रेस र नेकपा माओवादी केन्द्रले पनि समर्थन फिर्ता लिएमा मुख्यमन्त्री गुरुङ अल्पमतमा पर्नेछन्।