काठमाडौँ- प्रहरीले नक्कली नेपाली रुपैयाँका नोटसहित दुई जनालाई पक्राउ गरेको छ।

पक्राउ पर्नेमा मकवानपुरको गढी गाउँपालिका घर भई काठमाडौँको बाफल बस्ने ३९ वर्षीया माया तामाङ र रौतहटको गुजारा नगरपालिकाका ३५ वर्षीय गनबहादुर लोप्चन छन्।  प्रहरीले उनीहरुको साथबाट एक हजार दरका ५१ थान र पाँच सय दरका ५७ थान नक्कली नेपाली रुपैयाँ बरामद गरेको छ।

उनिहरुको साथबाट प्रिन्टर मेसिन, फोटोकपी पेपर, पेपर कटरलगायत सामग्री पनि बरामद भएको प्रहरीले जनाएको छ।

कलङ्कीस्थित फुट‍पाथमा तरकारी किन्नेक्रममा मायाले नक्कली नोट दिएको फेला परेपछि प्रहरीले अनुसन्धान सुरु गरेको थियो।