काठमाडौं: नेपाली सेनाले २ सय जना अधिकृत क्याडेट ‘सेकेन्ड लेफ्टेनेन्ट’ का लागि नयाँ भर्ना आह्वान गरेको छ ।

नेपाली सेनाको भर्ना छनौट निर्देशनालय, कार्यरथी विभाग जंगी अड्डाले आजको गोरखापत्रमा एक सूचना प्रकाशित गर्दै सो विज्ञापन आह्वान गरेको हो ।

सेनाले खुलातर्फ १ सय ५ पदमा बिज्ञापन खुलाएको छ भने समावेशी तर्फ १८ महिला, २९ आदिवासी जनजाती, २५ मधेशी, १४ दलित, ५ अमर सैनिक सन्तती र ४ पद पिछडिएको क्षेत्रमा गरी जम्मा २ सय पदमा भर्ना आह्वान गरेको हो।

न्युनतम प्रमाणपत्र तह वा सो सरह उतीर्णले दरखास्त दिन सक्ने छन्। आजदेखि फागुन २१ गतेसम्म दरखास्त दिन सकिने निर्देशनालयले जनाएको छ।