काठमाडौं – नेकपा -प्रचण्ड–नेपाल समूहका अध्यक्ष माधवकुमार नेपालले प्रधानमन्त्री केपी शर्मा ओलीमा लोकतन्त्र र संघीयताप्रति कुनै पनि अपनत्वबोध नभएको बताएका छन् ।

आम हड्तालको निरीक्षण गर्न कोटेश्वरको सडकमा निस्किएका नेपालले सञ्चारकर्मीसँगको कुराकानीमा फागुन पहिलो साता सबै पक्षसँग मिलेर ठूलो आन्दोलन घोषणा गर्ने तयारी गरिएको बताए ।

‘हामीले पार्टीभित्र भोग्यौं, सरकार सन्चालनको क्रममा पनि देख्यौं उनको हरेक कदममा छलकपट छ । उनमा संविधान र गणतन्त्रप्रति आफ्नोपनको भावना छैन ।

संघीयताप्रति कुनै सरोकार पनि छैन,’ नेपालले भने, ‘ओलीले एकातिर चुनाव गर्ने भन्छन् भने अर्कोतिर ७७ जिल्लाहरुमा यो कामचलाउ सरकारले भूमि आयोग बनाएर धमाधम नियुक्ती गरेका छन् । २८ गते अहिलेसम्मकै ठूलो जनाअन्दोलन हुन्छ ।