धनगढीः नेपाल कम्युनिष्ट पार्टी नेकपाका अध्यक्ष माधवकुमार नेपालले प्रधानमन्त्री केपी ओलीलाई जर्मनका निरंकुश शासक हिटलरसँग तुलना गर्दै उनी बनाउने भन्दा बिगार्ने मान्छे भएको आरोप लगाएका छन् ।

प्रधानमन्त्री केपी ओलीको प्रतिनिधिसभा विघटन गर्ने कदमका विरुद्ध नेकपाले सुरु गरेको देशव्यापी आन्दोलनका क्रममा शनिबार धनगढीमा गरेको विरोध सभामा बोल्दै नेता नेपालले यस्तो अभिब्यक्ति दिएका हुन् ।

निरंकुता घोषणा गरेर नआउने उदाहरण दिदै अध्यक्ष नेपालले भने, हिटलर पनि चुनावी बाटो बाटै हिटलर बनेको बताए ।

नेता नेपालले कञ्चनपुर जिल्लाको निर्मला बतात्कारको काण्ड पार्टीमा आफूहरुले उठाएको बताउँदै ओली सरकारले कुरा नसुनेको जसका कारण पहिलो गाँसमा नै झिगाँ पसेको जस्तो भएको बताए ।

सरकारले निर्मला हत्याका विषयमा सही निर्णय गर्न नसक्दा आफ्नो पार्टी नै लज्जित हुनुपरेको उनले बताए । कोरोना कालमा सुदुरपश्चिमका जनतालाई देश भित्र आउन नदिने ओली सरकराको कदम समेत स्मरण गर्दै अध्यक्ष नेपालले यस विषयमा समेत पार्टीले कुरा उठाएको तर ओली सरकारले नटेरेको बताए ।

उनले भने, ‘कोरोनाको विषय, जनताको विषय, भूमिहिन किसाको विषय, निर्मला हत्याका विषय, कमलरीका विषयमा छलफल गरौं, हामीले भन्यौं । तर केपी ओलीले पार्टीमा छलफल गर्न खोजेपछि पार्टी नै फोर्न खोजे, संसदमा छलफल गर्न खोज्दा संसदनै भंग गरे । त्यसैले हामीले भन्यौं । केपी ओली बनाउने मान्छे होईन विगार्ने मान्छे हो । ओलीलाई सुधार्नु र वालुवा पेलेर तेल निकाल्नु उस्तै हो ।’