एजेन्सी: स्पेनिस ला लिगा फुटबलमा भ्यालेन्सियाले संघर्षपूर्ण जित निकालेको छ ।

आइतबार राति भएको खेलमा भ्यालेन्सियाले रियल भायाडोलिटलाई १-० को साँघुरो गोल अन्तरले पराजित गरेको हो ।

भायाडोलिटको मैदानमा भ्यालेन्सियालाई जित दिलाउन कार्लोस सोलेरले निर्णायक गोल गरे । ७६औँ मिनेटमा कार्लोसले भ्यालेन्सियाको लागि निर्णायक गोल गरेका हुन् ।

८७औँ मिनेटमा भ्यालेन्सियाकै म्यानुएलले गरेको गोलले भने मान्यता पाएन । भीएआरको सहायताबाट उनी अफसाइट देखिएका थिए । जसको कारण भ्यालेन्सिया अग्रता दोब्बर बनाउन चुकेको थियो ।

घरेलु टिमविरुद्ध साँघुरो जित निकालेसँगै भ्यालेन्सियाले १९ अंकसहित १३औँ स्थानमा उक्लिएको छ । भायाडोलिट १८ अंकसहित १६औँ स्थानमा छ ।