एजेन्सी- टोटेनहम काराबाओ कप इएफएल फुटबलको फाइनलमा प्रवेश गरेको छ । घरेलु मैदानमा मंगलबार राति च्याम्पियनसिप क्लब ब्रेन्टफोर्डलाई २० ले हराउँदै टोटेनहम फाइनलमा पुगेको हो ।

टोटेनहमको जितमा मौसा सिसोको ह्युङ मिन सनले एक एक गोल गरे । १२ औँ मिनेटमा मौसाले गोल गर्दै टोलीलाई अग्रता दिलाएका थिए ।

यस्तै खेलको ७० औँ मिनेटमा सनले गोल गर्दै टोटेनहमलाई २० को जित दिलाए ।८४औँ मिनेटमा जोसुवाले रातो कार्ड पाएपछि ब्रेन्टफोर्ड १० खेलाडीमा समेटिएको थियो ।

अब टोटेनहमले उपाधिका लागि म्यानचेस्टर सिटी र म्यानचेस्टर युनाईटेडबीचको विजेतासँग खेल्नेछ ।