भक्तपुरका सबै विद्यालय माघ १ गतेदेखि खुल्ने

प्रकाशित मिति

२०७७ पुष २१ गते, मंगलवार ०५:१२

भक्तपुरः भक्तपुर नगरभित्र सञ्चालित सबै विद्यालयहरू २०७७ माघ १ गतेदेखि सञ्चालन हुने भएको छ।

मंगलबार बसेको भक्तपुर नगर शिक्षा समितिका अध्यक्ष एवं भक्तपुर नगरपालिका प्रमुख सुनिल प्रजापतिको बैठकले यस्तो निर्णय गरेको हो ।

साथै विद्यालय सञ्चालनको क्रममा विद्यार्थी तथा शिक्षकरकर्मचारीहरूमा कोभिड–१९ सम्बन्धी कुनै समस्या देखिएमा आवश्यकताअनुसार विद्यालय पूरै वा आंशिक बन्द गर्न नगर शिक्षा शाखाबाट निर्देशन दिन सकिने व्यहोरा पनि सबै विद्यालयहरूलाई जानकारी गराउने निर्णय गरेको नगरपालिकाले जनाएको छ।