काठमाण्डौंः नेकपा ओली समुहनेता पूर्वमन्त्री  महेश बस्नेत र पूर्व आईजीपी सर्वेन्द्र खनालविरुद्ध सामाजिक सञ्जालमा स्ट्याटस लेख्ने बाँकेका डिल्लीबहादुर चन्द पक्राउ परेका छन् ।

८ महिना पहिले बस्नेत र खनालले सांसद अपहरण गरेको बारेमा सामाजिक सञ्जालमा स्ट्याटस लेखेका उनी पक्राउ परेका हुन् ।

त्यहिँ स्ट्याटस लेखेको आरोपमा नेपालगञ्ज उपमहानगरपालिका वडा नं १८ का चन्दलाई मंगलबार राति प्रहरीले पक्राउ गरेको हो। गोर्खाज फाइनास्समा डिउटी बसेका चन्द नेपाली कांग्रेसका क्रियाशील सदस्यसमेत हुन् । लाई कार्यस्थलबाटै पक्राउ गरिएको हो ।

पक्राउ गरेको विरोधमा नेपाली काँग्रेस बाँकेले बुधवार एक बिज्ञप्ति प्रकाशित गरि घटनाबारे गम्भीर ध्यानकर्षण भएको जनाएको छ। काँग्रेस बाँकेका उपसभापति सुनिल नरसिंह राणाले चन्दको अवस्था तत्काल सार्वजनिक गर्न, परिवार र आफन्तसँग सम्पर्क गराउन र बिनासर्त रिहा गर्न माग गरेका छन्।