काठमाडौं, सोमबार यो सालको (सन् २०२०) अन्तिम सूर्य ग्रहण लाग्दैछ । यो सूर्य ग्रहण दक्षिण अमेरिकाका केही देशहरुबाट देखिने जनाइएको छ । यो पूर्ण सूर्य ग्रहण हुने अन्तर्राष्ट्रिय सञ्चारमाध्यामहरुले जनाएका छन् । पूर्ण सूर्य ग्रहण त्यसबेला हुने गर्दछ, जतिबेला चन्द्रमाले पूर्ण रुपमा सूर्यलाई ढाक्छ । त्यस्तै आंशिक सूर्य ग्रहणमा चन्द्रमाले सूर्यलाई आंशिक रुपमा मात्र ढाक्ने गर्दछ ।

यो सालको अन्तिम सूर्य ग्रहणको समय १४ डिसेम्बर साँझ ७ बजेर ३ मिनेटदेखि १२ बजेर २३ मिनेटसम्म लाग्ने ९१५ डिसेम्बर २०२०० जनाइएको छ । उक्त सूर्य ग्रहण दक्षिण अमेरिकाका चिली, अर्जेन्टिना लगायतबाट पूर्ण रुपमा देखिने जनाइएको छ । नेपाल, भारत लगायतका मुलुकहरुबाट यो सूर्य ग्रहण नदेखिने सञ्चारमाध्यामहरुले जनाएका छन् ।