कैलाली, कैलालीको भजनी नगरपालिका डुबानमा परेको छ । गएराति परेको भारि वर्षका कारणले आज कन्द्रा, काँढा लगायतका नदीहरुमा बाढी आएर डुबानमा परेको हो ।

नगरपालिकाको वडा नं. २,३,६,र ८ डुवानमा परेको स्थानीय गंगा चौधरीले बताउनुभयो । उहाँका अनुसार मोहनपुर, काँढा, धुसी, थापापुर, खैरा, गोडाचौर, कृष्णनगर, जनकपुर, सुनाफाँटा र काँढाढिक नवलपुर उच्च जोखिममा रहेको छ । अहिले सम्म पानीको सतह बद्दै गरेको उहाँले बताउनु भयो । हालै रोपाँइ गरिएको धान बाढीले बगाएको उहाँले बताउनुभयो ।

कैलालीको यस क्षेत्र वर्षेनी डुवानमा पर्ने भएकाले यस क्षेत्रमा धान रोपाई जेष्ठ मसान्त र असार पहिलो हप्ता नै गरिन्छ ।