एजेन्सी । चिनियाँ प्रभावमा काम गरेको आरोपमा अस्ट्रेलियाका एक सांसदलाई पार्टीले निलम्बन गरेको छ । अस्ट्रेलियाली विपक्षी लेबर पार्टीका सदस्य सौकेट मोसेल्मानेलाई चिनियाँ प्रभावमा काम गरेको आरोपमा पार्टीबाट निलम्बन गरिएको हो ।

अनुसन्धान एजेन्सीहरुले उनको घरमा छापा मारेर सम्पूर्ण रुपमा खानतलासी गरेका थिए । उनी अस्ट्रेलियाको न्यु साउथ वेल्स विधान परिषदका सदस्य समेत हुन् ।

लेबर पार्टीका नेता जोडी म्याकेले भने– ‘प्रहरी र गुप्तचर विभागका अधिकारीहरुले न्यु साउथ वेल्सका सांसद शौकेट मोसेल्मानेको घर र कार्यालयमा छापा मारेको छ ।’ अस्ट्रेलियाको संघीय प्रहरीले यो कुराको पुष्टि गरेको छ ।