विश्वभर कोरोना भाइरसबाट मृत्यु हुनेको संख्या डेढ लाख नाघ्यो

प्रकाशित मिति

२०७७ बैशाख ६ गते, शनिबार ०२:१६

एजेन्सी, विश्वभर कोरोना भाइरसबाट मृत्यु हुनेको संख्या डेढ लाख नाघेको छ । पछिल्लो तथ्यांक अनुसार अमेरिकामा मात्र ३७ हजारभन्दा बढीको मृत्यु भइसकेको छ ।

कुल १ लाख ५४ हजारको निधन भएकोमा स्पेनमा मृतक संख्या २० हजार कटेको छ । इटालीमा २२ हजार, फ्रान्समा १८ हजार, जर्मनीमा ४ हजार, बेलायतमा १४ हजार, चीनमा ४ हजार, इरानमा ४ हजारभन्दा बढीको मृत्यु भइसकेको छ ।

विश्वभर कोरोना भाइरसबाट मृत्यु हुनेको संख्या बढिरहेको छ । खोप र औषधी बनाउने प्रतिष्पर्धा चलिरहेपनि अन्तिम निष्कर्षमा वैज्ञानिकहरु पुगिसकेका छैनन् ।