डा. अनिल श्रेष्ठ

के हो प्रोस्टेट ?

प्रोस्टेट भनेको पुरुषहरुको पिसाब थैली र लिङ्गको बिचमा रहेको ग्रन्थीलाई भनिन्छ । यो ४० वर्ष नाघेका पुरुषहरुलाई लाग्ने संभावना बढी हुन्छ । प्रोस्टेटले एक प्रकारको तरल पर्दाथ उत्पादन गर्छ जस्ले शुक्रकितलाई बचाउने काम गर्छ ।

लक्षणहरु
सबै मानिसमा एकै प्रकारको लक्षणहरु नदेखिने हुन सक्छ । उमेर, प्रोस्टेटको साईज अनुसार फरक फरक हुन्छ ।
१) छिनछिनमा पिसाब लाग्ने
२) राती पिसाब गर्न उठि रहनु पर्ने
३) पिसाब फेर्ने गारो हुने
४) पिसाबको धारा सानो हुने
५) पिसाब गरिसके पछि अझै बाँकी भएको जस्तो अनुभव हुन्छ ।

अन्य संभावित पिसाब संक्रमण कारणहरु
१) पिसाब नलीको संक्रमण
२) प्रोस्टेटको संक्रमण
३) पिसाब नली साँघुरिदै जानु
४) पहिलाको अपरेसन पछि पिसाब थैलीमा दाग बस्नु
५) पिसाब थैली र मृगौलाको पत्थरी
६) पिसाब थैलीको नशाको समस्य
७) प्रोस्टेट र पिसाब थैलीका क्यान्सर

कुन बेलामा डाक्टर भेट्ने
माथि उल्लेखित कुनै समस्याहरु देखेमा डाक्टरलाई भट्ने र सल्लाह बमोजिम उपचार गर्ने । यदि पिसाब रोकेमा चाडो भन्दा चाडो डाक्टरलाई भेट्ने

कारणहरु
प्रोस्टेट पिसाब थैलीको ठिक तल रहेको हुन्छ जसको बिचबाट पिसाब नली गएको हुन्छ । जुन बेला प्रोस्टेट बढेर ठुलो हुन्छ त्यसपछि पिसाब रोकिन सुरु हुन्छ ।

जोखिमका कारक तत्वहरु
उमेर : प्रायजसो ४०वर्ष नाघेका पुरुषहरुमा यो समस्या देखिएको पाईन्छ ।
वंशानुगत : वंशानुगत रुपमा पनि यो रोग लाग्ने हुन्छ ,बुबा वा दाईलाई छ भने छोरा भाईलाई लाग्ने संभावना हुन्छ ।
जिवन शैली : व्यस्त जीवन शैलीमा व्यायमको कमिले पनि यो रोग लाग्ने संभावना हुन्छ ।

जटिलताहरु
पिसाब फेर्न नसक्नु : बढेका मासुको कारण पिसावको नली सानो हुने भएकोले पिसाब फेर्न सकिदैन त्यसैले पिसाबको नलीमा पाईप राखी पिसाब गराइन्छ ।
मुत्रनलीमा संक्रमण : पिसाब थैलीमा भएको पिसाब सबै सकिदैन त्यसले गर्दा मुत्र नलीमा संक्रमण हुन्छ । लगातार मुत्रनलीमा संक्रमण भएको खण्डमा अपरेसन गर्नुपर्छ ।
पिसाब थैलीमा पत्थरी : पिसाब थैलीमा भएको पिसाब सबै नखुलेमा पत्थरी हुने बढी संभाबना हुन्छ । पिसाब नलीमा संक्रमण हुदा, पिसाबमा रगत देखिनु जस्ता समस्याले गर्दा पिसाब थैलीमा पत्थरी हुन्छ ।
मृगौला खराबः पिसाब राम्रो संग फेर्न नसकेर जम्मा भएको पिसाबको कारणले गर्दा पिसाब थैलीमा बढी चापभई मृगौला खराब हुन्छ ।
थोरै समयको लागि पिसाब थैलीमा पिसाब जम्मा भइरहेमा र मृगौला खराबभई जीवन खतरनाक परिस्थिति हुन पुग्छ ।