काठमाडौं, शिक्षा, विज्ञान तथा प्रविधिमन्त्री गिरिराजमणि पोखरेलद्वारा दक्षिणकाली नगरपालिका साक्षर नगरपालिका घोषणा भएको छ । नगरपालिकाका १५ वर्ष देखि ६० वर्षको कुल जनसंख्या मध्ये ९५ प्रतिशत भन्दा बढी जनसंख्या सक्षार भएकाले गत माघ २१ गते साक्षर नगरपालिका घोषणा भएको हो ।

नगरपालिकाका प्रमुख मोहन बस्नेतले बाँकी रहेकाको जनसंख्यालाई आगामी वर्षमा नगरमा रहेका खुला विद्यालय तथा सामुदाय सिकाइ केन्द्र मार्फत साक्षर गराउने प्रतिवद्धता गर्नु भएको छ । १ देखि १० सम्म अंक पढ्न सक्ने, साहि गर्न सक्ने, मोबाइल फोन चलाउन सक्ने, ठुला अक्षरको किताब पढ्न सक्ने र सामान्य जीवन यापन गर्न सक्ने क्षमताका आधारमा सक्षार घोषणा गरेको बताउनुभयो ।

कार्यक्रममा जनप्रतिनिधी, सामाजसेवी, बुद्धिजिवीलगायत स्थानीयवासीको सहभागिता रहेको थियो ।