काठमाडौं, प्रधानमन्त्री केपी शर्मा ओली झापा पुग्नु भएको छ । जिल्लामा हुने कार्र्यक्रममा सहभागी हुन उहाँ आज झापा पुग्नु भएको हो । भद्रपुर विमानस्थलमा प्रधानमन्त्री ओलीलाई प्रदेश नं.१ का प्रमुख सोमनाथ अधिकारी, मुख्यमन्त्री शेरधन राई, भौतिक पूर्वाधार तथा यातायातमन्त्री वसन्तुकुमार नेम्वाङ, आन्तरिक मामिला तथा कानूनमन्त्री हिक्मत कार्कीलगायतले प्रधानमन्त्री ओलीलाई स्वागत गर्नु भएको थियो ।

झापामा हुँदा प्रधानमन्त्रीले दमक कृष्ण मन्दिरदेखि बेलडाँगी कालोपत्रे सडकको उद्घाटन, दमकबाट मोरङको मधुमल्ला जोड्ने मावाखोलामा बनेको पक्की पुलकोे उद्घाटन, दमक नगरपालिका–१ मा जनता आवासमार्फत निर्माण गरिएका घरको साँचो हस्तान्तरण गर्ने बुझिइएको छ । प्रधानमन्त्री ओलीले आजै बेलडाँगीमा आयोजित समारोहलाई सम्बोधन गर्ने कार्यक्रम समेत रहेको बुझिइएको छ ।