त्रिभुवन आर्मी क्लब सहिद स्मारक ए डिभिजन लिगको उपाधि नजिक पुगेको छ। आर्मीले लिगको अन्तिम खेलअघि ब्रिगेड ब्वाइज क्लबलाई ३(० ले हराउँदै पहिलो पटक उपाधि नजिक पुगेको हो ।

मंगलबार बिहान भएको खेलमा आर्मीको जितमा भारत खवासले पाँचौ मिनेटमा पहिलो गोल गरे। यस्तै ५४ मिनेटमा विकास तामाङले र ७० मिनेटमा टेकबहादुर बुढाथोकीले थोल थपे । जितपछि शीर्ष स्थानमा फर्किएको आर्मीले १२ खेलबाट २९ अंक जोडेको छ। दोस्रो स्थानको मच्छिन्द्र क्लबको २८ अंक छ।

अब लिगको अन्तिम खेलमा आर्मी र मच्छिन्द्रबीच हुने खेलपछि च्याम्पियनको टुंगो लाग्नेछ। आर्मीलाई लिग जित्न बराबरी नै काफी छ भने मच्छिन्द्रलाई जितको खाँचो हुनेछ। आर्मी र मच्छिन्द्र मध्ये एकले उपाधि जित्ने भएसँगै साविक विजेता मनाङ मर्स्याङ्दी क्लब २ खेलअघि नै उपाधि होडबाट बाहिरिएको छ। २ खेलअघि मनाङको २२ अंक छ।