काठमाडौं, प्रहरी महानिरीक्षक ‘आईजिपी’ सर्वेन्द्र खनालको पदावधि मंगलबारबाट सकिएको छ । ३० वर्षे सेवा हद पूरा भएसँगै उहाँको पदावधि सकिएको हो । खनालको पदावधि सकिएसँगै २७ औं आईजीपी नियुक्तीको तयारीमा सरकार जुटेको छ । आईजीपी नियुक्ती गर्ने विषयमा छलफल गर्न आज दिउसो मन्त्रीपरिषदको बैठक बोलाइएको छ । आजबाट आइजीपी खनाल, तीनजना एआइजी र १८ जना डिआइजीले एकै साथ अवकाश हुनुभएको छ ।

अबको नयाँ महानिरीक्षक डिआइजीबाट सिधै हुनेछ । महानिरीक्षक खनाल अवकाशमा जाने भएपछि नयाँ आईजीपीका लागि दौडधुप भइरहेको छ । २७ औँ प्रहरी महानिरीक्षकका लागि प्रदेश १ का डिआइजी ठाकुर ज्ञवाली, सुदूरपश्चिम प्रदेशका डिआइजी तारिणीप्रसाद लम्साल र प्रहरी प्रधान कार्यालयका डिआइजी सूर्यप्रसाद उपाध्यायबीच प्रतिस्पर्धा छ ।