मोटरसाइकल दुर्घटना हुँदा एक जनाको मृत्यु, एक जना घाइते

प्रकाशित मिति

२०७६ मंसिर २८ गते, शनिबार १०:१०

काभ्रेपलाञ्चोक, नमोबुद्ध नगरपालिका वडा नं ६ चौकीडाँडास्थित बिपी राजमार्गमा पूर्वबाट काठमाडौँतर्फ आउँदै गरेको मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा सिन्धुलीको सुनकोशी गाउँपालिका वडा नं ३ का २९ वर्षीय प्रकाश दाहाल रहेका छन् ।

शुक्रबार दिउँसो बा९२प ५१९२ नंको मोटरसाइकल अनियन्त्रित भई सडकमा पल्टिँदा मोटरसाइकल चलक दाहालको मृत्यु भएको प्रहरीले जनाएको छ । सोही दुर्घटनामा परी अर्का ३१ वर्षीय नवराज दाहाल घाइते भएका छन् । उनको धुलिखेल अस्पतालमा उपचार भइरहेको प्रहरीले जनाएको छ ।